Azadi Marchi - Habib Jalib

Khushbuu hai vo to chhuu ke badan ko guzar na jaaye ~ Parvin Shakir

- - - - -
Khushbuu hai vo to chhuu ke badan ko guzar na jaaye
jab tak mere wajuud ke andar utar na jaaye

Khud phuul ne bhii honth kiye apane niim-vaa
chorii tamaam rang kii titalii ke sar na jaaye

is Khauf se vo saath nibhaane ke haq mein hai
khokar mujhe ye ladakii kahiin dukh se mar na jaaye

palkon ko us kii apane dupatte se ponch duun
kal ke safar mein aaj kii gard-e-safar na jaaye

main kis ke haath bhejuun use aaj kii duaa
qaasid havaa sitaaraa koii us ke ghar na jaaye
- - -
Parvin Shakir (Roman Urdu)

Beautiful poem...

Ghazal - Chiragh Hassan Hasrat

Naat - Ahmed Nadeem Qasmi

Mohabbat Aisa Darya Hy - Amjad Islam Amjad

Ghazal - Saahil

Ghazal ~ Amjad Islam Amjad

Wo Be-hajaab wo jo kal pi k shraab aya - Bahadur Shah Zafar

mujh se pehli si mohabbat meray mehbub na maang - Faiz Ahmed Faiz (English Translation)

---

Don't ask me for the love I once gave you, my love

mein ne samjha tha kay tu hai to darakhshaan hai hayaat
tera gham hai to gham-e-dahar ka jhagdra kya hai
teri surat se hai aalam mein bahaaron ko sabaat
teri aankhon ke sivaa duniya mein rakkha kya hai

I had thought if I had you, life would shine eternally on me
If I had your sorrows, those of the universe would mean nothing
Your face would bring permanence to every spring
What is there but your eyes to see in the world anyway

tu jo mil jaaye to taqdir niguun ho jaaye
If I found you, my fate would bow down to me

yun na tha mein ne faqat chahaa tha yun ho jaaye
aur bhii dukh hain zamaane mein mohabbat ke sivaa
aahaten aur bhi vasl ki raahat ke sivaa

anaginat sadiyon ki taarik bahimanaa talism

resham-o-atalas-o-kamkhvaab mein bunavaaye huye

jaa-ba-jaa bikate huye kuuchaa-o-baazaar mein jism

khaak mein lithade huye khuun mein nahalaaye huye

This was not how it was, it was merely how I wished it to be

There are other heartaches in the world than those of lover

There is happiness other than the joy of union

The dreadful magic of uncountable dark years

Woven in silk, satin and brocade

In every corner are bodies sold in the market

Covered in dust, bathed in blood

jism nikale huye amaraaz ke tannuuron se

piip bahatii hu_ii galate huye naasuuron se

laut jaati hai udhar ko bhi nazar kyaa kije

ab bhi dilkash hai tera husn magar kya kije

aur bhii dukh hain zamaane mein mohabbat ke sivaa

raahaten aur bhi vasl ki raahat ke sivaa

Bodies retrieved from the cauldrons of disease

Discharge flowing from their rotten ulcers

Still returns my gaze in that direction, what can be done

Even now your beauty is tantalizing, but what can be done
There are other heartaches in the world than those of love

There is happiness other than the joy of union

mujh se pehli si mohabbat meray mehbub na maang

Don't ask me for the love I once gave you, my love...

~~ Faiz Ahmed Faiz....

Usay yeh kon samjhaye?..

Usay yeh kon samjhaye?
Woh dasht-e-khamoshi main
Ungliyon main sipiyan pehnay
Kisi sookhay samandar ki 
Adhuri pyas ki batain
Bohat chup chaap sunta hai
Bohat khamosh rehta hai
Usay kon samjhaye???
Khushi kay ik aansu say
Samandar bhar bhi jatey hain
Bohat khamosh rehnay say
Taaluq mar bhi jaatey hain ...

Wo Rut Bhi Ae - Parvin Shakir

Tashakur - Parvin Shakir

Mat Daekh k Koe Shakhs GunaGaar Hy Kitna

Raa'nae Khayaal - Ghalib

Dashte Tanhae - Faiz Ahmed Faiz

dasht-e-tanhaai mein, ai jaan-e-jahaan, larzaan hain 
In the desert of my solitude, oh love of my life, quiver 
teri avaaz ke saaye, 
the shadows of your voice, 
tere honthon ke saraab 
the mirage of your lips

dasht-e-tanhaai mein, 
In the desert of my solitude, 
duri ke khas-o-khaak tale 
beneath the dust and ashes of distance
khil rahe hain tere pehlu ke saman aur gulaab
bloom the jasmines and roses of your proximity

uht rahi hai kahin qurbat se 
From somewhere very close,
teri saans ki aanch 
rises the warmth of your breath
apani khushbuu mein sulagti hui 
smouldering in its own aroma,
maddham maddham 
slowly, bit by bit.

dur ufaq par chamakati hui 
far away, across the horizon, glistens
qatra qatra
drop by drop
gir rahi hai teri dil daar nazar ki shabnam 
the falling dew of your beguiling glance

is qadar pyaar se hai jaan-e jahaan rakkhaa hai 
With such tenderness, O love of my life, 
dil ke rukhsaar pe 
on the cheek of my heart, 
is vaqt teri yaad ne haath
has your memory placed its hand right now

yun guman hota hai 
that it looks as if 
garche hai abhi subah-e-firaaq 
(though it's still the dawn of adieu) 
dhal gaya hijr ka din 
the sun of separation has set 
aa bhi gaye vasl ki raat 
and the night of union has arrived.

Hijar Ki Shab - Parvin Shakir

Ehtayaat - Parvin Shakir

Khuli Ankh Main Sapna

khuli aankh mein sapna jhaankta hai  
wo soya hai ke kuch kuch jaagta hai 

teri chahat ke bheege junglon mein 
mera tan, more ban kar naachta hai 

mujhe har kaifiyat mein kyun na samjhe 
wo mere sab hawale jaanta hai 

main uski dastaras mein hon, magar wo 
mujhe meri raza se maangta hai 

kisi ke dhyaan mein dooba hua dil 
bahane se mujhe bhi taalta hai

Thehar ky daikhy- Parvin Shakir